قصيده حامد زيد في امه روعه

قصيدتي زاد بعيوني جمالهـــــــــــا.............واخذت انقي بالمعاني اجزالــــــــــها
واكتب معانيها من الشوق والغلا .............لامي وانا اصغر شاعر من اعيالهـا
كتبتها في غربتي يوم رحلتــــــــي ..............لما طرى لي في السفر ماطرا لهــا
امي وانا بوصف لها زود حبهـــــا...............وان ماحكيت لها قصيدي حكى لهـا
امي لها بالجوف والقلب منزلـــــة............. مكانــــــــة ماكل محبــــوب نالهــــا
اقربمن ظلالي وانا وسط غربتـــي .............وانا ترى اقرب لــــهــا من ظــلالها
ماشافت عيوني من الناس غيرها .............ولاخلـــــــق رب الخلايــــــق مثالها
اغلى بشر في جملة الناس كلهــم .............واكــــرم من يدين المزون وهمالها
اتبع رضاها وارتجي زود قربهـــا ..............و اللي طلبته من حياتي وصالهــــا
الصدق مرساها والاشواق بحرها ............والعطف واحساس الغلا راس مالها
اهيـــم فيها وابتســم يوم قلبهــــــا ..............يسأل وانا قلبي يجاوب سؤالــــــها
وان اطلبتني شئ فـــزيت مندفــــع .............امــــــــوت انا واحمل تعبها بدالــها
اصبر على الدنيا و الاحزان والتعب ...........واحمل على متني فطاحل جبالــــها
واسهر واعذب راحة القلب والشقى.......... واعيش اعاني بس يرتــــــاح بالها
تربية ابوي اللي على الطيب اذكــره.......... اللي وهبني للحيــــــــــــاة ومجالها
نور لي دروبـــــي وانا طفل مبتــــدي ...........حتى تركني واحد من رجــــــــالها
الوالدين اولى بالاحسان لاجلـــــهــم ...........واولى بتكريم النفـــــوس وعدالها
اقولــــــها وانا علــــى الــلـــه متكـل ...........والله عليم بقدرتي واحتمــــــــالها
ياكلمة اغـــلــى من النــاس كلهـــــم ..........ياشـــــمـــــس بقلـــبي بعيد زوالها
يافرحــــــة تملي لي الكون باكملـــه ...........ياشـــــــجـرة تكبر ويكبر ظلالـــها
تضحك لي الدنيا اليا شفت زولـــهـا ............مثل السمــــاء تزهى بطلة هلالها
والبعد عنها ياهل العرف مقــــــدرة ............لا شك ناري زايـــــــدة باشتعالها
ماعيش ببلاد ولا هي بارضـــــــــها ............ولا ابي عيوني كانماهي بقبالــها
ارض تدوس امي بالاقدام رملــــها ............اموت فيها واندفن في ترابــــــــها

صح لسان الشاعر حامد زيد

عسى الله يحفظ والدينا ووالديكم..